धनुषा : ‘क्राइम ब्रान्चको व्यक्ति हुँ’ भन्दै मोटरसाइकल चोरी गर्ने एकजना पक्राउ

टुडेपाटी–
जनकपुरधाम, माघ २५ गते ।

प्रहरीले धनुषामा ‘क्राइम ब्रान्चको व्यक्ति हुँ’ भनेर डर त्रास देखाइ मोटरसाइकल चोरी गर्ने एकजना पक्राउ परेका छन् ।

जनकपुरधाम उपमहानगरपालिका वडा नं. १९ थमौना टोलका १९ वर्षीय टिका यादवलाई पक्राउ गरिएको जिल्ला प्रहरी कार्यालय धनुषाका प्रहरी प्रवक्ता जितेन्द्र बस्नेतले जानकारी दिए।

आइतबार ‘क्राइम ब्रान्चको व्यक्ति हुँ’ भनेर एकजनालाई मोटरसाइकलको ब्लु बुक निकाल्न लगाइ हेरेर, ‘मोटरसाइकल चोरीको हो, अनुसन्धान गर्न जिल्ला चेकजाँचको लागि लग्नुपर्छ’ भनेर डर त्रास देखाइ प्रदेश–२–०२–००५ प ६९ नम्बरको मोटरसाइकल र ब्लूबुक लिएर यादव फरार भएका थिए।

यादवलाई मंगलबार पक्राउ गरेर चोरी मुद्दामा अनुसन्धान अगाडि बढाएको जिल्ला प्रहरी कार्यालय धनुषाले जनाएको छ।