‘व्यवसायीक गाई–भैँसी पालन गरेर लाखौंको आम्दानी गर्न सकिन्छ’

शुभ नारायण यादव–
सप्तरी, माघ २५ गते ।

सप्तरीका किसानहरुले व्यवसायीक रुपमा गाई भैँसी पालन गरेर बार्षिक लाखौंको आम्दानी गर्न सकिने बताएका छन ।

राजविराज नगरपालिका पशुपंक्षी विकास शाखाको आयोजनामा राजविराजमा आयोजित गाई भैँसी पालन सम्बन्धी तीन दिने तालिममा सहभागीहरुले यस्तो बताएका हुन् ।

कार्यक्रममा सहभागीहरुले नेपाल कृषि प्रधान देश भएकोले वैज्ञानीक तरिकाबाट व्यवसायीक रुपमा कृषि गरेमा देशको समेत मुहार फेर्न सकिने बताए ।

राजविराज नगरपालिका पशु पक्षि विकास शाखाका अमरेन्द कुमार झाको अध्यक्षता तथा राजविराज नगरपालिकाका निमित्त प्रमुख प्रशासकिय अधिकृत भोगेन्द प्रसाद यादवको प्रमुख आतिथ्यमा आयोजित सो तालिमको उदघाटन समारोहमा सहभागी वक्ताहरुले सीप लिए पछि किसानहरुले आय आर्जन गर्न सकने बताए ।

तीन दिने तालिममा प्रत्येक वडाबाट २ जना किसानका दरले ३२ जना किसानहरुको सहभागीता रहेको आयोजकले जनाएका छन् ।