पिकअपको ठक्करबाट महोत्तरीमा एकजनाको मृत्यु

टुडेपाटी-
महोत्तरी, माघ २१ गते ।

महोत्तरीमा पिकअपको ठक्करबाट साइकल यात्रीको मृत्युु भएको छ ।

हुलाकी राजमार्गअन्तर्गत सोनमा गाउँपालिका–३ स्थित सडकमा गए राति पिकअपले ठक्कर दिँदा साइकलयात्री सम्सी गाउँपालिका–४ गैँढाभेटपुर का ४० वर्षीय वीरेन्द्र राउत बरईको मृत्यु भएको हो ।

जिल्ला प्रहरी कार्यालयका प्रहरी नायब उपरीक्षक प्रकाश विष्टले गएराति हुलाकी सडकखण्डको सम्सीबाट रघुनाथपुर जाँदै गरेको ज १ च ११६४ नंको पिकअपले सोनमा–३ स्थित सडकमा विपरीत दिशाबाट साइकलमा आउँदै गरेको वीरेन्द्रलाई ठक्कर दिँदा उनको मृत्यु भएको बताए ।

पिकअपको ठक्कर गम्भीर घाइते भएका उनलाई उपचारका लागि जिल्ला अस्पताल लैजाँदै गर्दा बाटोमै मृत्यु भएको थियो ।

घटना पश्चात पिकअप का चालक फरार भएका छन् भने मृतकको शव परीक्षणका लागि जिल्ला अस्पताल जलेश्वर पठाइएको छ ।