मोटरसाइकल दुर्घटनामा दुई जनाको मृत्यु

टुडेपाटी-
रौतहट, माघ १३ गते ।

मोटरसाइकल दुर्घटनामा परि रौतहटमा दुई जनाको मृत्यु भएको छ ।

जिल्लाको गरुडा नगरपालिका वडा नं. ४ मा मोटरसाइकल दुर्घटना हुँदा गढीमाई नगरपालिका वडा नं. ८ का १९ वर्षीय महम्द अलताफ आलम र २४ वर्षीय रवि साहको मृत्यु भएको प्रहरीले जनाएका छन् ।

ना ६२ प ३३९९ नम्बरको मोटरसाइकल सवार दुबैजनाको मोटरसाइकल बुधवार राति अनियन्त्रित भएर दुर्घटना भएको थियो ।

दुर्घटनामा परेर गम्भीर घाइते भएका दुवैजनालाई उपचारका लागि अस्पताल लैजाने क्रममा बाटोमा मृत्यु भएको इलाका प्रहरी कार्यालय गरुडाले जनाएको छ ।