मधेश प्रदेश : कारको ठक्करबाट मोटरसाइकलमा सवार दाजुभाइको मृत्यु

टुडेपाटी–
बारा, माघ १३ गते ।

बारामा कारको ठक्करबाट दाजुभाईको मृत्यु भएको छ ।

भारतीय नम्बर प्लेटको कारले मोटरसाइकलमा ठक्कर दिदा त्यसमा सवार दुईजनाको घटनास्थलमै मृत्यु भएको छ ।

बाराका प्रहरी प्रवक्ता प्रहरी नायव उपरिक्षक राजेश थापाले गएराति साढे ८ बजेतिर बी आर ०५ ए आर ५१५१ नम्बरको कारले ना ८ प ८८६३ नम्बरको मोटरसाइकललाई ठक्कर दिँदा त्यसमा सवार दाजुभाईको मृत्यु भएको जनाएका छन् ।

वीरगञ्ज कलैया सडकखण्ड अन्तर्गत कलैया उपमहानगरपालिका वडा नं. २५ सिसहनिया चोकमा कारले मोटरसाइकललाई ठक्कर दिदा कलैया उपमहानगरपालिका वडा नं. ५ का सितल साह र नरेश साहको मृत्यु भएको हो ।

कारमा सवार तीनजनालाई प्रहरीले नियन्त्रणमा लिएको र यस सम्बन्धमा थप अनुसन्धान भइरहेको जिल्ला प्रहरी कार्यालय बाराले जनाएको छ ।