धनुषाको ढल्केवरमा दालमोठ उद्योगमा आगलागि, सावा दुइ करोडको समाग्री जलेर नष्ट

टुडेपाटी समाचारदाता
जनकपुरधाम, माघ २१ गते ।
धनुषाको मिथिला नगरपालिका–६ ढल्केवरस्थित न्यु विकाजी दालमोट उघोगमा आगलगी भएको छ । सोमवार राति करिब डेढ बजे भएको आगलागिमा करिब सावा दुइ करोड बराबरको क्षति भएको प्रहरीले जनाएको छ ।

घटनमा दालमोठ उत्पादनमा प्रयोग हुने उपकरण, तयारी अवस्थाका सामान, कच्चा पदार्थ र घर समेत पूर्णरुपमा जलेर नष्ट भएको इलाका प्रहरी कर्यालय ढल्केवरका प्रहरी निरिक्षक तिर्थ कार्कीले जानकारी दिए । विहान करिब साढे ४ बजेमात्र बारुण यन्त्रको सहयोगमा आगो नियन्त्रणमा आएको थियो ।
‘उद्योग परिसको छुट्टै कोठामा सुतिरहेका कामदारले पहिले केही पडकेको जस्तो आवाज आएको र त्यसपछि उद्योग भित्र आगो लागेको देखेपछि हल्ला गर्न थाले । अनि पछि अढाई बजेमात्र प्रहरीलाई खबर गर्यो ।,’ प्रहरी निरिक्षक कार्कीले भने । घटनाको मुचुल्का उठाएर थप अनुसन्धान भैरहेको पैहरी निरिक्षक कार्कीको भनाइ छ ।

Sponsored