वार्षिकोत्सवमा मोनास्टिक स्कुलद्वारा रक्तदान कार्यक्रम सम्पन्न

टुडेपाटी-
जनकपुरधाम, पुस २५ गते ।

जनकपुरधामको मोनस्टिक आवासिय माध्यमिक विद्यालयले ३६औं वार्षिकोत्सवको अवसरमा रक्तदान कार्यक्रम सम्पन्न गरेको छ ।

शनिबार विद्यालयमा आयोजन भएको रक्तदान कार्यक्रममा ३८ जनाले रक्तदान गरेको जनाएको छ ।

रक्तदान गर्नेहरुलाई विद्यालयका निर्देशक सोनुकुमार साहले प्रमाण पत्र प्रदान गरेका छन् ।

रक्तदान गर्नेहरुमा राजकुमार महासेठ, रोशन प्रधान, मनिस गुप्ता, निरज साह, आशिष साह, लव यादव, प्रसिद्ध दहाल, अंकित श्रेष्ठ, काजल यादव, मनिषा यादव, नरेस यादव, रमेश साह, दिनेश कुमार कर्ण, सरिस्मा आले, चन्द्रलता झा लगायत रहेका छन् ।