प्रदेश २ : कुलोमा डुबेर एक पुरुषको मृत्यु

टुडेपाटी–
रौतहट, पुस १५ गते ।

कुलोमा डुबेर रौतहटमा एकजनाको मृत्यु भएको छ ।

जिल्लाको फतुवा विजयनगर नगरपालिका वडा नं. ६ मा कुलोमा डुबेर फतुवा विजयपुर ५ सन्तपुर दोस्तियाका ४० वर्षीय मिरहसन अन्सारी रहेका प्रहरीले जनाएका छन् ।

इलाका प्रहरी कार्यालय विजयपुरका प्रमुख इन्सपेक्टर बिष्णु विश्वकर्माले पानीमा डुबेर अन्सारीको मृत्यु भएको जानकारी दिए ।

३–४ दिनदेखि हराइरहेका अन्सारीको शव सडेको अवस्थामा भेटिएको विश्वकर्माले बताए । मृतक अन्सारीमा जाँडरक्सीको लत रहेको बताइएको छ ।

अन्सारीको कुलोमा लडेर मृत्यु भएको हुनसक्ने अनुमान प्रहरीले गरेको छ ।

घटना सम्बन्धमा थप अनुसन्धान भैरहेको इलाका प्रहरी कार्यालय विजयपुरले जनाएको छ ।