प्रदेश २ : लागुऔषध सहित युवक पक्राउ

टुडेपाटी–
जनकपुरधाम, पुस ३ गते ।

प्रहरीले मोटरसाइकलको ट्यांकीमा लागुऔषध राखेको अवस्थामा एक युवकलाई पक्राउ गरेको छ ।

पक्राउ पर्नेमा मलंगवा नगरपालिका वडा नं. १२ गमहरियाका २४ वर्षीय अनिल महतो रहेको जिल्ला प्रहरी कार्यालय सर्लाहीका प्रहरी प्रवक्ता प्रहरी नायव उपरीक्षक माधव प्रसाद बुढाथोकीले जानकारी दिए ।

गएराति करिब साढे १२ बजेको समयमा महतोलाई प्रहरीको गस्ती टोलिले मलंगवा–११ पेट्रोलपम्प स्थित मलंगवा नवलपुर सडक खण्डमा मलंगवाबाट गमहरिया तर्फ जादै गरेको ज. ८ प.६७७३ नम्बरको मोटरसाइकललाई चेक जाँच गर्दा मोटरसाइकलको ट्यांकीको भित्र र साईडको दुई ओटै पाला भित्रबाट कोडिवेल लेखिएको लागुऔषध २९ बोतल बरामद गरेको छ ।

महतोलाई नियन्त्रणमा राखि थप अनुसन्धान थालेको जिल्ला प्रहरी कार्यालय सर्लाहीले जनाएको छ ।