प्रदेश २ : ठगी मुद्दामा फरार रहेका अभियुक्त एक वर्षपछि पक्राउ

टुडेपाटी–
जनकपुरधाम, मंसिर १० गते ।

सर्लाहीमा ठगी मुद्दामा फरार भएका एकजना एक वर्षपछि पक्राउ परेका छन् ।

पक्राउ पर्नेमा जिल्लाको लालबन्दी नगरपालिका वडा नं. १७ रानिगंजका ३५ वर्षीय जनक पौडेल रहेको जिल्ला प्रहरी कार्यालय सर्लाहीका प्रहरी प्रवक्ता प्रहरी नायव उपरीक्षक माधव प्रसाद बुढाथोकीले जानकारी दिए ।

पौडेललाई शुक्रवार दिउँसो करिब साढे १२ बजे रानिगंजबाट पक्राउ गरिएको प्रवक्ता बुढाथोकीले जनाएका हुन् ।

ठगी मुद्दामा पौडेललाई पक्राउ गर्न सिन्धुली जिल्ला अदालतले गत पुस १७ गते पक्राउ पुर्जी जारी गरेको थियो ।