रौतहटमा विषबाट दुई बालकको मृत्यु

टुडेपाटी-
रौतहट, कार्तिक २९ गते ।

रौतहटमा एकै परिवारका दुई बालकको विषबाट मृत्यु भएको छ ।

रौतहटको देवाही गोनाही नगरपालिका ५ टिकुलियाका सञ्जय मुखियाका ५ वर्षीय छोरा आकाश र ४ वर्षीय छोरा विकासको विषबाट मृत्यु भएको हो ।

दुबै बालकको शनिबार उनीहरुको उपचारको क्रममा ज्यान गएको प्रहरीले जनाएको छ ।

दुवै बालकको रिसिवीका कारण गाउँकै स्थानीयले विष खुवाएर हत्या गरेको परिवारजनको आरोप छ ।

घटना शंकास्पद रहेको भन्दै प्रहरीले अनुसन्धान गरिरहेको जिल्ला प्रहरी कार्यालय रौतहटका प्रहरी उपरीक्षक विनोद घिमिरेले बताए ।

उनले बालकहरुको विषकै कारण मृत्यु भएको बताउँदै अनुसन्धान गरिरहेको बताए ।