चार वर्षीय बालकको सकुशल उद्धार

टुडेपाटी–
जनकपुरधाम, कार्तिक २७ गते ।

जनकपुरधाममा फेला परेको बालकलाई प्रहरीले सकुशल उद्धार गरेको छ । जनकपुरधाम उपमहानगरपालिका वडा नं. ७ स्थित जानकिनगरमा अलपत्र अवस्थामा फेला परेको चार वर्षीय बालकलाई सकुशल उनको आमाको जिम्मा लगाइएको धनुषा प्रहरीले जनाएकोछ ।

शुक्रवार करिब ५ बजेको समयमा भारतको बिहार राज्य सितामढी जिल्ला गाउँ मेजरगंज थाना ९ घर भई हाल जिल्ला धनुषा जनकपुरधाम उपमहानगरपालिका वडा नं. ४ मामा घर बस्ने मुकेश गुप्ताका ४ वर्षीय छोरा रिसब कुमार गुप्ता जानकिनगर टोलमा अलपत्र अवस्थामा फेला परेका थिए।

Sponsored

प्रहरीले शुक्रवार नै बालकलाई बालकको आमा पुजा गुप्तालाई सकुशल जिम्मा लगाइएको प्रवक्ता जितेन्द्र बस्नेतले जानकारी दिएका छन् ।