प्रदेश २ : कटुवा पेस्तोलसहित एकजना पक्राउ

टुडेपाटी–
बारा, कात्तिक २७ गते ।

कटुवा पेस्तोल सहित बाराबाट एकजना पक्राउ परेका छन् ।
पक्राउ पर्नेमा जिल्लाको महागढीमाई नगरपालिका वडा नं. ५ का ३५ वर्षीय मनोजप्रसाद जैसवाल रहेको जिल्ला प्रहरी कार्यालय बाराका प्रहरी प्रवक्ता प्रहरी नायव उपरीक्षक गौतम मिश्रले जानकारी दिए ।

बिहीबार राति खोपवा बजारबाट जैसवाललाई पक्राउ गरिएको प्रहरी नायब उपरीक्षक मिश्रले बताए ।
प्रहरीले जैसवालको साथबाट पेस्तोलसँगै एक राउन्ड गोली पनि बरामद भएको मिश्रले बताए ।

Sponsored

बारागढी गाउँपालिका खोपवा बजारमा झगडा भइरहेको स्थानबाट प्रहरीले जैसवाललाई पक्राउ गरेको थियो ।
प्रहरीले यस सम्बन्धमा थप अनुसन्धान भइरहेको जनाएको छ ।