बर्दिबासको एक होटेलबाट तासजुवा खेलिरहेका १० जना प्रहरीको फन्दामा

टुडेपाटी-
महोत्तरी, कार्तिक २५ गते ।

महोत्तरीको बर्दिबासको एक होटेलबाट जुवा खेलिरहेका १० जना प्रहरीको फन्दामा परेका छन् ।

बिहीबार दिउँसो १ बजेको समयमा बर्दिवास नगरपालिका १ स्थित बर्दिवास सेवा केन्द्रको भवन नजिकै रहेको न्यौपाने खाजा घर भित्र अबैध रुपमा जुवा तास खेली रहेका १० जनालाई पक्राउ गरेको प्रहरीले जनाएको छ ।

पक्राउ पर्नेहरुमा बर्दिबास नगरपालिका १ बस्ने वर्ष ४० का दिपक शर्मा, वर्ष ३५ का नवराज तिमल्सिना, वर्ष ४२ का प्रकाश न्यौपाने, वर्ष २४ का सुरज खड्का, वर्ष ३७ का दिपक न्यौपाने छन् ।

यस्तै बर्दिबास नगरपालिका ३ बस्ने वर्ष ३९ का धन बहादुर वाईबा, वर्ष ४० का डोरमणी ढकाल, वर्ष २७ का राजिव थापा, वर्ष २४ को सुजन आचार्य र सिन्धुलीको तिनपाटन नगरपालिका ३ बस्ने वर्ष ३७ का टिका हायू रहेको जिल्ला प्रहरी कार्यालय महोत्तरीका प्रवक्ता डिएसपी प्रकाश विष्टले जानकारी दिए

इलाका प्रहरी कार्यालय बर्दिबासबाट खटेको प्रहरी टोलिले पक्राउ गरिगर उनीहरूको ५४ हजार ५१५ नगद, एक गड्डी तास र एक थान गलैचा बरामद गरि अनुसन्धान गरिहेको जिल्ला प्रहरी कार्यालय महोत्तरीले जनाएको छ ।