प्रदेश २ : गस्तीमा गएका प्रहरीको मोटरसाइकल चोरी

टुडेपाटी–
सप्तरी, कार्तिक २० गते ।

सप्तरीमा गस्तीमा गएका प्रहरीको मोटरसाइकल चोरी भएको छ । शुक्रवार साँझ जिल्लाको बोदेबर्साइन नगरपालिका वडा नं. ८ बैरियाही टोलबाट प्रहरीको मोटरसाइकल चोरी भएको हो ।

इलाका प्रहरी कार्यालय बोदे बर्साइनबाट गस्तीमा गएको बा २ प ५६६१ नम्बरको मोटरसाइकल बैरियाहीबाट चोरी भएको हो ।
बैरियाहीमा आयोजित सांस्कृतिक कार्यक्रममा सुरक्षा दिन प्रहरी सहायक निरीक्षक दिलीप सिंहको नेतृत्वमा दुई जना प्रहरी खटेका थिए । मोटरसाइकल पार्किङ गरी कार्यक्रमस्थलमा प्रहरी घुमिरहँदा मोटरसाइकल चोरी भएको हो ।

Sponsored

जिल्ला प्रहरी कार्यालय, राजविराजका निमित्त सूचना अधिकृत प्रहरी निरीक्षक उदय द्विवेदीले मोटरसाइकल हराएको पुष्टि गरेका छन् । गस्तीमा जाँदा मोटरसाइकल हराएको र खोजबिन भइरहेको प्रहरीले जनाएको छ ।