महोत्तरीबाट लागूऔषधसहित दुईजना पक्राउ

टुडेपाटी-
महोत्तरी, कार्तिक २० गते ।

महोत्तरीमा लागुऔषध सहित दुई जना पक्राउ परेका छन् । पक्राउ पर्नेमा जिल्लाको सोनमा गाउँपालिका वडा नं. ३ का १८ वर्षीय अञ्जित यादव र २४ वर्षीय सिकिन्द्र यादव रहेको जिल्ला प्रहरी कार्यालय महोत्तरीले जनाएको छ । भारतबाट लागूऔषध बोकी नेपाल आएका दुवै युवकलाई प्रहरीले गएराति पक्राउ गरेको हो ।

गएराति १० बजे भारत बिहारको सीतामढी जिल्लाको कन्हमा शहरबाट लागूऔषध बोकेर सम्सी गाउँपालिका–६ स्थित बजारमा आएका उनीहरूलाई प्रहरी टोलीले शंका लागी जाँच गर्दा लागूऔषधसहित पक्राउ गरिएको जिल्ला प्रहरी कार्यालय महोत्तरीका प्रवक्ता प्रहरी नायब उपरीक्षक प्रकाश विष्टले जानकारी दिए ।

Sponsored

दुबै युवकको साथबाट एकिझप्लौन सिरप दुई बोतल, स्पास्मो प्रोक्स ट्याब्लेट १८ थान र नाइट्रोजन ट्याब्लेट नौ थान बरामद गर्नुका साथै दुई थान मोबाइल र उनीहरुले चढी आएको भारतीय नम्बर बीआर ३० यू ६९५४ नम्बरको मोटरसाइकल पनि नियन्त्रणमा लिएको प्रहरीले जनाएको छ ।