ट्याक्टरबाट झरेर सिरहामा बालकको मृत्यु

टुडेपाटी–
जनकपुरधाम, कार्तिक १७ गते ।

ट्याक्टरबाट झरेर सिरहामा एक बालकको मृत्यु भएको छ । मृत्यु हुनेमा जिल्लाको गोलबजार नगरपालिका वडा नं. ४ का नशिवलाल सदायका ११ वर्षीय छोरा निशान्त सदाय रहेको प्रहरीले जनाएको छ ।

सिरहा गोबजार नगरपालिका वडा नं. ८ मैनाबत्ती खोलाबाट बालुवम बोकेर आइरहेको स १ त ७९५ नम्बरको ट्याक्टरबाट लडेर बालकको मृत्यु भएको छ ।

इलाका प्रहरी कार्यालय गोलबजारका प्रमुख प्रहरी निरीक्षक सन्तोष राईले ट्याक्टरबाट लडेर गम्भिर घाइते भएका सदायको उपचारको लागि लहान लाने क्रममा बाटोमै मृत्यु भएको जानकारी दिए ।

ट्याक्टर र चालक प्रहरी नियन्त्रणमा रहेको र घटना सम्बन्धमा थप अनुसन्धान भइरहेको प्रहरीले जनाएको छ ।