जनकपुरमा भयंकर दुर्घटना, टिपर जल्यो, मोटरसाइकल चालकको ज्यान गयो

टुडेपाटी-
जनकपुरधाम, असोज १० गते ।

जनकपुरको पीडारीचोकमा मोटरसाइकललाई टिपरले ठक्कर दिँदा एकजनाको ज्यान गएको छ ।

मृत्यु हुनेमा मोटरसाइकल चालक भारतीय नागरिक आनन्द किशोर दास छन् ।

जनकपुरबाट ढल्केबर तर्फ जान लागेको ना . ७ ख ४७४१ नम्बरको टिपर विपरीत दिशाबाट आउदै गरेको मोटरसाइकललाई ठक्कर दिएको हो ।

घटना अपराह्न साढे ४ बजेतिरको हो ।

ठक्कर पश्चात् स्थानीयले टिपरमा आगो लगाएपछि पूर्ण रुपमा जलेर नष्ट भएको प्रहरीले जनाएको छ ।

मृतक दासको प्रादेशिक अस्पताल जनकपुरमा उपचारको क्रममा मृत्यु भएको धनुषाका प्रहरी नायव उपरीक्षक जितेन्द्र कुमार बस्नेतले जानकारी दिए ।

घटनाबारे थप अनुसन्धान भइरहेको प्रहरीले जनाएको छ । थप विवरण आउन बाँकी ।