सप्तरीबाट ब्राउनसुगरसहित एक युवक पक्राउ

शुभ नारायण यादव-
सप्तरी , भदौ १६ गते ।

सप्तरीको हनुमाननगर कङकालिनि नगरपालिकाबाट लागूऔषधसहित एक युवक पक्राउ परेका छन् ।

पक्राउ पर्नेमा जिल्लाको हनुमाननगर कङकालिनि नगरपालिका वडा न. ८ योगिनियाका अन्दाजि २५ वर्षीय धिरु भनिने धिरेन्द कुमार यादव रहेको प्रहरीले जनाएको छ ।

गोप्य सूचनाको आधारमा यादवको घर छापामारी गर्दा १ सय २५ ग्राम ब्राउनसुगर बरामद गरेको प्रहरीले जनाएको छ ।

प्रहरीका अनुसार घर नजिकैको धान खेतमा लुकाएर राखिएको अवस्थामा ब्राउनसुगर बरामद गरिएको हो । यादवमाथि थप अनुसन्धान भइरहेको प्रहरीले जनाएको छ ।
यसअघि पनि लागूऔषध कारोबारमा यादव सुन्सरीमा पक्राउ परेको स्थानीयले बताएका छन् ।