बारामा खेतमा काम गरिरहेका एक कृषकको करेन्ट लागेर मृत्यु

टुडेपाटी-
बारा, भदौ १६ गते ।

बारामा करेन्ट लागेर एक किसानको मृत्यु भएको छ ।

सिम्रौनगढ नगरपालिकाको ४ गङानगरमा मंगलबार साँझ ६ बजे करेन्ट लागेर स्थानीय ४८ वर्षीय तेजालाल प्रसाद यादवको मृत्यु भएको हो ।

आफ्नै धान खेतमा काम गरिरहेको बेला सिँचाइ गर्ने पानीमोटरको तार पानीमा लत्रिएर करेन्ट प्रवाह हुँदा उनको घटनास्थलमै मृत्यु भएको प्रहरीले जनाएको छ ।

उनको शवलाई ईलाका प्रहरी कार्यलय सिम्रौनगढले घटनास्थलको मुचुल्का गरी पोष्टमार्टमको लागि कलैया अस्पताल पठाएको छ । घटना विषयमा थप अनुसन्धान इलाका प्रहरी कार्यालय सिम्रौनगढका प्रहरी निरीक्षक दपिक सुवेदीले जानकारी दिए ।