सप्तरीमा कुखुरा फर्ममा आगलागी हुँदा १० लाखको क्षति

शुभ नारायण यादव-
सप्तरी , भदौ १२ गते।

सप्तरीको तिलाठी कोइलाडी गाउँपालिका वडा न। ७ स्थित कट्टीमा रहेको संगीता कृषि फर्ममा गएराति आगलागी भएको छ ।

राति २ बजे घुबाट आगलागी हुँदा दश लाख बराबरको क्षति भएको छ ।

दुईवटा घर, १२ सय कुखुरा, पानी तान्ने मोटर, भवलेटर, पंखा १२ थान ,कुखुराका दाना, ६० हजार नगद लगायत दस लाखको समानहरु जलेर नष्ट भएको संचालकले बताएका छन् ।

बाटो नभएको कारण आगो निभाउन वारुणयन्त्र आउन नसकिएको कृषि फर्मका संचालक चन्द्रभूषन कुमार सिहले बताए ।