TodayPati

लगातारको वर्षाले नदीमा बाढीको सतह बढेपछि स्थानीयलाई सचेत रहन सीडीओ यादवको आग्रह

टुडेपाटी-
रौतहट, साउन २ गते ।

लगातारको वर्षाले नदीहरुमा बाढीको सतह बढेपछि तटीय क्षेत्रका बासिन्दालाई सचेत रहन रौतहट प्रशासनले आग्रह गरेका छन् । जिल्ला प्रशासन कार्यालय रौतहटले शनिबार एक सूचना जारी गरेर सचेत रहन आग्रह गरेका हुन् ।

सीडीओ इन्द्रदेव यादवद्वारा जारी सूचना मार्फत बागमती, लालबकैया नदीका साथै जिल्लाका सा–साना खोला किनारका बासिन्दालाई सचेत रहन आग्रह गरेका हुन् । 

Sponsored

लगातारको वर्षाले जिल्लाको पूर्वी किनारमा बागमती र पश्चिममा लालबकैया नदीमा पानीको सतह बढ्ने मौसमविद्ले बताएकाले सतर्क रहन आग्रह गरेको सीडीओ यादवले बताए ।

मुसलधारे बर्षाको कारण  बागमती ,लालबकैया नदि तथा चाँदी लगायतका खोला तथा नदीमा पानीको सतह बढ्दै गएको उनले जानकारी दिए ।

जिल्लाका नदीहरुमा पानीको सतह बढेपछि जिल्लाको दक्षिणी भेगका गाँउहरु डुबानमा पर्ने गर्दछ । बागमती र लालाबकैया नदीमा आउने बाढीको पानी भारतिय बाँधको  कारण तत्काल निकास हुन नसक्दा  जिल्ला सदरमुकाम गौर,ईशनाथ, लगायतका क्षेत्र  डुबानमा पर्दै आएको छ । 

Sponsored

टुडेपाटी

‘जनताको सँच्चा पहरेदार, ताजा–ताजा समाचार’ - टुडेपाटी

Leave a Reply

Your email address will not be published. Required fields are marked *