बारामा ट्रकको ठक्करबाट पैदलयात्रीको ज्यान गयो

टुडेपाटी-
बारा, असार १६ गते ।

बारामा ट्रकको ठक्करबाट पैदलयात्रीको मृत्यु भएको छ । 

बाराको जितपुर सिमरा उपमहानगरपालिका-७ शान्तिचोकमा बा० ३००१ ख ११२७ नम्बरको ट्रकले मंगलबार राति ठक्कर दिँदा पैदलयात्री २२ वर्षीय राजन श्रेष्ठको मृत्यु भएको हो । ट्रक वीरगञ्जबाट सिमरातर्फ आउँदै थियो ।

Sponsored

ट्रकको ठक्करबाट गम्भीर घाइते भएका श्रेष्ठलाई उपचारका लागि अस्पताल लैजाने क्रममा बाटोमै मृत्यु भएको जिल्ला प्रहरी कार्यालय बाराले जनाएको छ ।