नेपालमा कोरोना भाइरसको संक्रमणबाट मृत्यु हुनेको संख्या ८ हजार नाघ्यो

टुडेपाटी-
जनकपुरधाम,जेठ २५ गते ।
नेपालमा कोरोना भाइरसको संक्रमणबाट ज्यान गुमाउनेको संख्या ८ हजार नाघेको छ ।

स्वास्थ्य मन्त्रालयका अनुसार पछिल्लो २४ घण्टामा १०८ जनाको कोरोनाबाट मृत्यु भएसँगै नेपालमा यसबाट ज्यान जानेको संख्या ८ हजार ९८ पुगेको छ । नेपालमा कोरोनाबाट मृत्यु हुने दर १.३६ रहेको छ ।

उमेरअनुसार नेपालमा ०(९ उमेर समूहका ३७, १०(१९ उमेर समूहका ३६, २०-२९ उमेर समूहका २२९, ३०-३९ उमेर समूहका ६९५, ४०-४९ उमेर समूहका १ हजार १८७, ५०-५९ उमेर समूहका १ हजार ६०३ र ६० भन्दामाथिका ४ हजार ३३० जनाले कोरोना संक्रमणका कारण ज्यान गुमाएका छन् ।

Sponsored

आज १७ हजार ६७६ जनाको पीसीआर र एन्टिजेन विधिबाट परीक्षण गर्दा ५ हजार १५३ संक्रमित थपिएका छ । आज ६ हजार ५७० संक्रमित निको भएका छन् । योसँग ५ लाख ४ हजार ५३० जना संक्रमणमुक्त भएका छन् । निको हुनेको दर ८४.७ प्रतिशत रहेको मन्त्रालयले जनाएको छ ।