सर्लाहीमा नलकटुवा पेस्तोलसहित एकजना पक्राउ

टुडेपाटी-
सर्लाही, जेठ ३ गते ।

सर्लाहीमा कटुवा पेस्तोलसहित एकजनालाई प्रहरीले पक्राउ गरेको छ । ईश्वरपुर नगरपालिका–५ स्थित फुलजोरबाट नलकटुवा पेस्तोलसहित एकजनालाई पक्राउ गरेको हो ।

स्थानवासी अन्दाजी वर्ष ३३ का रामकरण महतोलाई पक्राउ गरिएको इलाका प्रहरी कार्यालय केशरगञ्ज, वयलवालका प्रहरी निरीक्षक जनकराज ढुङ्गानाले जानकारी दिए ।

Sponsored

इलाका प्रहरी कार्यालय केशरगञ्ज, वयलवाल र प्रहरी चौकी फुलजोरको संयुक्त गस्ती टोलीले शङ्का लागि जाँच गर्दा महतोको साथबाट एक थान मोबाइल, एक थान नकाब, रातिको समयमा प्रहरीले लगाउने जस्तो रङको ज्याकेट एक थान र विआर ३० यु ७७७३ नम्बरको भारतीय मोटरसाइकल बरामद गरेको प्रहरी निरीक्षक ढुङ्गानाले बताए ।