बारामा सिमेन्ट बोकेको ट्रकमा आगलागी, लाखौंको क्षति

टुडेपाटी-
बारा, वैशाख २१ गते ।
बारामा सिमेन्ट बोकेको ट्रकमा आगलागी हुँदा लाखौंको क्षति भएको छ । हेटौडाबाट सिम्रौनगढ तर्फ आउँदै गरेको सिमेन्ट बोकेको ना.४ ख. ९५९८ नम्बरको ट्रकमा आगलागी हुँदा क्षति भएको हो ।

आगलागीबाट करिब २ लाख ५६ हजार मूल्यको सिमेन्ट ४ सय २० बोरा र १५ लाख ४४ हजार रुपैयाँको ट्रकमा क्षति पुगेको छ ।

बाराको कोल्हवी नगरपालिका–४ स्थित तामागढी कोल्हबी सडकखण्डमा बिहान ९ः१० बजे ट्रकमा आगलागी भएको जिल्ला प्रहरी कार्यालय बाराले जनाएको छ ।

ट्रकको पछाडिको चक्का पड्किएर अचानक आगलागी भएको जिल्ला प्रहरी कार्यालय बाराका प्रवक्ता प्रहरी नायब उपरीक्षक गौतम मिश्रले जानकारी दिए ।

इलाका प्रहरी कार्यालय निजगढ, अस्थायी प्रहरी पोष्ट झुरझुरबाट ११ जना प्रहरी टोली र दुईवटा दमकलको सहयोगमा ९ः४५ बजे आगो नियन्त्रणमा लिएको प्रहरीले जनाएको छ ।