धनुषामा मानसिक सन्तुलन गुमाएका पुरुषको शव आँप बगैँचामा भेटियो

टुडेपाटी-
जनकपुरधाम, चैत १९ गते ।

धनुषामा आँपको बगैँचामा मानसिक सन्तुलन गुमाएका एक पुरुषको शव फेला परेको छ ।

धनुषाको क्षिरेश्वरनाथ नगरपालिका-३ पर्सा पकडियास्थित आँपको बगैँचामा परिचय खुल्न नसकेको पुरुषको शव फेला परेको इलाका प्रहरी कार्यालय महेन्द्रनगरले जनाएको छ ।

इलाका प्रहरी कार्यालय महेन्द्रनगरका एक प्रहरी अधिकारीका अनुसार उनको हत्या गरिएको हो वा आफै मृत्यु भएको हो भन्ने पोष्टमार्टम रिपोर्टपछि मात्र भन्न मिल्ने बताए ।

शव पोष्मार्टमका लागि प्रादेशिक अस्पताल जनकपुर पठाइएको छ । साथै घटनाबारे थप अनुसन्धान भइरहेको प्रहरीले जनाएको छ ।