बारामा होली खेल्ने क्रममा झडप हुँदा एक महिलाको मृत्यु, ६ जना घाइते

टुडेपाटी-
बारा, चैत १७ गते ।
होलीको दिन सोमबार बारामा भएको झडपमा एक महिलाको घटनास्थलमै मृत्यु भएको छ । झडपमा ६ जना घाइते भएका छन् ।

होली खेल्ने क्रममा बाराको कलैया उपमहानगरपालिका-२३ भतौडामा भएको झडपमा ६५ वर्षकी सन्जा देवीको मृत्यु भएको बाराका प्रहरी प्रवक्ता प्रहरी नायव उपरीक्षक गौतम मिश्रले जानकारी दिए ।

घटनामा संलग्न भएको आरोपमा चारजनालाई प्रहरीले नियन्त्रणमा लिएको छ ।

यस्तै होली खेल्ने क्रममै भएको झडपमा कलैया उपमहानगरपालिका २६ का वडाध्यक्ष घाइते भएका छज् । दुई पक्षका युवाबिच झडप हुँदा छुट्टाउन गएका वडा नम्बर २६ का अध्यक्ष महेश साह घाइते भएका हुन् ।

युवाहरूको कुटपिटबाट साहको टाउकोमा चोट लागेको छ । कुटपिट गर्ने युवाहरु फरार भएका छन् । उनीहरुको खोजी भइरहेको जिल्ला प्रहरी कार्यालय बाराले जनाएको छ ।