धनुषामा हात्तीको आक्रमणबाट एकजनाको ज्यान गयो, १० वटा घरमा पनि क्षति

टुडेपाटी-

जनकपुरधाम, चैत १६ गते ।

हात्तीको आक्रमणमा परि धनुषाको मिथिला नगरपालिका ७ खप्तरी टोलमा एकजनाको मृत्यु भएको छ । खप्तरी टोल बस्ने ८० बर्षिय बृद्ध पदमबहादुर खप्तरी मगरको मृत्यु भएको हो ।

आइतबार राति ११ बजे घरमा सुतिरहेको मगरलाई हात्तीले आक्रमण गरेको थियो ।

सुतिरहेको अवस्थामा हात्तीको आक्रमणमा परेका मगरको घटनास्थलमै मृत्यु भएको इलाका प्रहरी कार्यालय ढल्केवरले जनाएको छ ।

उनको शवलाई पोष्टमार्टमका लागि प्रादेशिक अस्पताल जनकपुर राति नै पठाइएको प्रहरीले जानकारी दिए ।

खप्तरी टोलमा पूर्वी दिशाबाट एउटा हात्ती गाउँ पसेपछि सर्वसाधारणा भागदौड मच्चिएको थियो । गाउँ पसेका हात्तीले गाउँको दस वटा घरमा क्षति पु¥याएको छ ।