सिरहामा ट्राफिक नियम उल्लङ्घन गर्ने ८५० सवारीसाधन कारबाहीमा, सबैभन्दा बढी मोटरसाइकल

टुडेपाटी-
सिरहा, चैत २ गते ।

सिरहामा ट्राफिक नियम उल्लङ्घन गर्ने ८५० भन्दा बढी सवारी साधन कारबाहीमा परेका छन् ।
विगत एक महिनाको अवधिमा अस्थायी ट्राफिक प्रहरी पोष्ट गोलबजारले गत फागुन १ देखि २९ गतेसम्मका अवधिमा आफ्नो क्षेत्रबाट ८५० सवारी साधनलाई कारवाही गरी रु पाँच लाख १० हजार राजश्व सङ्कलन गरेको छ ।

ट्राफिक जाँचका क्रममा सबैभन्दा बढी मोटरसाइकल कारवाहीमा परेको अस्थायी ट्राफिक प्रहरी पोष्टका प्रहरी सहायक निरीक्षक सुरेशप्रसाद यादवले जानकारी दिए । ओभरलोड, प्रायोजन विपरीत प्रयोग भएका सवारी साधन, दुई जनाभन्दा बढी चढेका तथा हेल्मेट नलगाई चलाएका मोटरसाइकललगायत सवारी साधनलाई कारवाही गरिएको उनले बताए ।

Sponsored