महोत्तरीमा मोटरसाइकल दुर्घटना हुँदा जनकपुरका युवकको ज्यान गयो

टुडेपाटी-
जनकपुरधाम, चैत १ गते ।

महोत्तरीमा मोटरसाईकल अनियन्त्रित भएर दुर्घटना हुँदा एक युवकको ज्यान गएको छ । ज्यान जानेमा मोटरसाईकल चालक धनुषाको जनकपुर उपमाहानगरपालिका कुवारामपुर बस्ने बर्ष ३० का महेश मुखिया छन् ।

शनिबार साँझ साढे ७ बजेको समयमा महोत्तरी गौशाला नगरपालिका ९ स्थित ज.१२ प. ४९१४ नम्बरको मोटरसाईकल अनियन्त्रित भएर दुर्घटना हुँदा मोटरसाइकल चालक मुखियत गम्भीर घाइते भएका थिए ।

उनलाई तत्कालै उपचारको लागी गौशाला पोलिक्लिनिक लगिएपछि चिकित्सकले मृत घोषणा गरेका थिए ।

शव आइतबार जिल्ला अस्पताल जलेश्वरमा पोष्टमार्टम गरी परिवारजनको जिम्मा लगाइएको छ र घटना सम्बन्धमा थप अनुसन्धान भइरहेको जिल्ला प्रहरी कार्यालय महोत्तरीले जनाएको छ ।