धनुषामा टिपरको ठक्करबाट टेम्पो चालकको ज्यान गयो

टुडेपाटी-
जनकपुरधाम, फागुन २९ गते ।

धनुषामा टिपरको ठक्करबाट टेम्पो चालकको ज्यान गएको छ ।

ज्यान जानेमा टेम्पो चालक महोत्तरीको बर्दिबास नगरपालिका वडा नं. १ बस्ने विर बहादुर तामाङ्ग रहेको प्रहरीले जनाएको छ ।

शनिबार साँझ ६ बजे पूर्वपश्चिम राजमार्गम अन्तर्गत मिथिला नगरपालिका  ८ बडहरी बजार नजिक पश्चिमबाट पूर्व जाँदै गरेको ना ८ ख ७२२२ नम्बरको टिपरले  बर्दिबासतर्फ जाँदै गरेको प्रदेश २०३००१ स ५४७५ नम्बरको टेम्पोलाई ठक्कर दिइएको हो ।

ठक्करबाट टेम्पो चालकको घटनास्थलमै मृत्यु भएको   इलाका प्रहरी कार्यालय ढल्केवरका प्रहरी निरीक्षक तिर्थ कार्कीले जानकारी दिए ।

टिपर र टेम्पोलाई प्रहरीले नियन्त्रणमा लिएको र शवलाई पोष्टमार्टमका लागि प्रादेशिक अस्पताल जनकपुर पठाइ घटना विषयमा थप अनुसन्धान गरिरहेको प्रहरीले जनाएको छ ।