चितवन जाँदै गरेको बस र ट्रक ठोक्किँदा वीरगञ्जका चालक सहित ३ जनाको ज्यान गयो, १० घाइते

टुडेपाटी-

हेडौँडा, फागुन २९ गते ।

मकवानपुरमा बस र ट्रक ठोक्किँदा ३ जनाको मृत्यु भएको छ।

दुवै गाडीका गरी १० यात्रु घाइते भएका छन्।

प्रहरीका अनुसार शनिबार बिहान हेटौंडाबाट चितवन जाँदै गरेको ना ४ ख ५१४९ नम्बरको बस र विपरीत दिशाबाट हेटौंडा आउँदै गरेको ना६ख८९ नम्बरको ट्रक ठोक्किएका हुन्।

दुर्घटनामा बसका चालक वीरगन्ज वडा नम्बर १५ का ३५ वर्षीय मदनकुमार थापा, यात्रु भारत सिस्वाका करिब ४० वर्षीय अभयलाल कुशवाहा र बिहारका ४० वर्षीय सुनिल कुमारको मृत्यु भएको मकवानपुर जिल्ला प्रहरी कार्यालयले जनाएको छ।

दुर्घटनामा बस र ट्रकका गरी १० यात्रु घाइते भएका छन्।

अहिले उनीहरूको उपचार हेटौंडा र भरतपुरका अस्पताल भइरहेको छ।

पूर्वपश्चिम राजमार्गअन्तर्गत हेटौंडा–चितवन सडक खण्डमा शनिबार बिहान ३ बजेतिर दुर्घटना भएको हो।