प्रदेश २ : पिकअपको ठक्करबाट पैदलयात्रीको घटनास्थलमै ज्यान गयो

शुभ नारायण यादव-

सप्तरी, फागुन २६ गते ।

सप्तरीको अग्निसाइर कृष्णसवरण गाउँपालिका– १ जण्डौलमा गएराति पिकअपको ठक्करबाट एक जना पैदलयात्रीको घटनास्थलमै मृत्यु भएको छ ।

पूर्वतर्फ जादै गरेको प्रदेश ३–०१–०२४ च ४२६९ नम्वरको पिकअपले ठक्कर दिँदा सोही गाउँपालिका–१ सिमराका २८ को दिपक चौधरीको मृत्यु भएको हो ।

सोही दिशातर्फ गइरहेको चौधरीलाई पिकअपले ठक्कर दिएपछि उनको घटनास्थलमै मृत्यु भएको जिल्ला प्रहरी कार्यालय सप्तरीका डिएसपी भुवनेश्वर प्रसाद साहले जानकारी दिए ।

शव पोष्टमार्टमको लागि राजविराजस्थित गजेन्द्रनारायण सिंह अस्पताल पठाइएको जनाएको छ ।

ठक्कर दिने चालक कपिलबस्तुको बाह्रगंगा नगरपालिका–४ का २४ को दिपेन्द्र थापा र पिकअप नियन्त्रणमा रहेको जिल्ला प्रहरी कार्यालय सप्तरीका साहले जानकारी दिए ।

घटनाबारे थप अनुसन्धान कार्य भइरहेको सप्तरी प्रहरीले जनाएको छ ।