धनुषामा तिव्रगतिको टिपरको ठक्करबाट अटो रिक्सा चालक महिला गम्भीर घाइते

टुडेपाटी-
जनकपुरधाम, फागुन २४ गते ।

धनुषामा टिपरको ठक्करबाट अटो रिक्सा चालक महिला गम्भीर घाइते भएकी छन् ।

सोमबार बिहान साढे ११ बजे जनकपुर – ढल्केवर सडक खण्ड अन्तर्ग लक्ष्मीया स्थित बाबाको ढावा अगाडि टिपरले ठक्कर दिएको हो ।

ढल्केबर तर्फबाट जनकपुर तर्फ अाउँदै गरेको ज १ ह १८१५ नम्बरको अटो रिक्सालाई विपरीत दिशाबाट अत्यधिक गतिमा अाउँदै ना ६ ख ७३४१ नम्बरको टिपरले ठक्कर दिएको स्थानीय प्रत्यक्षदर्शीले बताएका छन् ।
ठक्करबाट अटोरिक्सा चालक महिला गम्भीर घाइते भएकी छन् । उनको प्रदेशिक अस्पताल जनकपुरमा उपचार भइरहेको छ ।

टिपर चालक फरार भएका छन् । चालकको खोजि कार्य भइरहेको र दुवै गाडी नियन्त्रणमा लिएर अनुसन्धान गरिरहेको प्रहरीले जनाएको छ ।