महोत्तरीमा लागुऔषधसहित एक युवक प्रहरी नियन्त्रणमा
टुडेपाटी-
महोत्तरी, फागुन १६ गते ।
महोत्तरीमा लागुऔषधसहित एकजनालाई प्रहरीले पक्राउ गरेको छ । महोत्तरीको गौशाला नगरपालिका वडा नं. ५ का २७ वर्षीय प्रबेज मंसुरीलाई पक्राउ गरिएको हो ।
मंसुरीलाई प्रहरी चौकी सम्सीबाट गस्तीमा खटेको प्रहरीको टोलीले सम्सी गाउँपालिका वडा नं. ६ बाट एक्झिप्लाँन सय एमएलको ५ थान, नाईट्राभेट दुई पत्ता ३० ट्याब्लेट र एसपासमो प्रोक्सीभोन प्लस दुई पत्ता १६ ट्याब्लेट सहित नियन्त्रणमा लिएको महोत्तरीको प्रहरी प्रवक्ता तथा प्रहरी नायव उपरीक्षक प्रकाश विष्टले जानकारी दिए ।
Sponsored
मंसुरीलाई प्रहरी नियन्त्रणमा लिई लागुऔषध मुद्दामा महोत्तरी जिल्ला अदालतबाट ५ दिनको म्याद लिई थप अनुसन्धान थालेको महोत्तरी प्रहरीले जनाएको छ ।
