सप्तरीमा आफ्नै घरको छतबाट खसेर २ वर्षीय बालकको ज्यान गयो
टुडेपाटी-
सप्तरी, फागुन ५ गते ।
आफ्नै घरको छतबाट खसेर सप्तरीमा दुई वर्षीय बालकको मृत्यु भएको छ । डाक्नेश्वरी नगरपालिका-१० बनौला बस्ने खुशीलाल मण्डलका २ बर्षीय छोरा दीपक मण्डलको मृत्यु भएको हो
।
छतमा खेल्ने क्रममा अचानक लडेर गम्भीर घाइते भएका बालकलाई उपचारका लागि राजविराजस्थित गजेन्द्रनारायण सिंह अस्ताल ल्याउने क्रममा बाटोमै मृत्यु भएको सप्तरी प्रहरीका प्रबक्ता भुवनेश्वर साहले जानकारी दिए ।
Sponsored
मृतक बालकको शवलाई पोष्टमार्टमका लागि गजेन्द्रनारायण सिंह अस्पतालमै राखिएको प्रहरीले जनाएको छ ।
