सर्लाहीमा ट्रकको ठक्करबाट एकजनाको मृत्यु

टुडेपाटी-
सर्लाही, फागुन २ गते ।

सर्लाहीमा ट्रकको ठक्करबाट एकजनाको मृत्यु भएको छ । मृत्यु हुनेमा सर्लाहीको लालबन्दी नगरपालिका ६ का ३५ वर्षीय सञ्जीव कार्की छन् ।

आइतबार बिहान लालबन्दी ७ मा पूर्वबाट पश्चिमतर्फ जाँदै गरेको ना ४ ख २११८ नम्बरको ट्रकले बा १० प ५०९४ नम्बरको मोटरसाइकललाई ठक्कर दिएको थियो ।

ट्रकको ठक्करबाट गम्भीर घाइते भएका कार्कीको लालबन्दीस्थित टेक्सास अस्पतालमा उपचारका क्रममा मृत्यु भएको जिल्ला प्रहरी कार्यालय सर्लाहीका प्रहरी प्रवक्ता एवं‌ डीएसपी मदन कुँवरले जानकारी दिए ।

मोटरसाइकललाई ठक्कर दिएर फरार भएका ट्रक चालकको खोजी भइरहेको प्रहरीले जनाएको छ ।