धनुषामा टयाक्टरमा किचिएर १८ वर्षीय युवकको ज्यान गयो

टुडेपाटी-

जनकपुरधाम, माघ २३ गते ।

धनुषामा टयाक्टर दुर्घटनामा एक युवकको ज्यान गएको छ ।

लक्ष्मिनियाँ गाउँपालिका १ स्थित अरेरवामा बिहीवार अपराह्न टयाक्टरमा किचिएर १८ वर्षीय इन्द्रजित यादवको मृत्यु भएको प्रहरीले जनाएको छ ।

माटो लिएर सिनरजोडाबाट अरेरबातर्फ जाँदै गरेको ज १ त ७९७७ नम्बरको टयाक्टरमा सवार भएका यादव लड्दा टेलरको चक्का टाउकोमै चढ्दा उनको मृत्यु भएको स्थानीयहरुले जनाएका छन् ।

टयाक्टर चालकलाई नियन्त्रणमा लिई शव पोष्टमार्टमकालागि प्रादेशिक अस्पताल जनकपुरमा राखिएको जिल्ला प्रहरी कार्यालय धनुषाले जनाएको छ ।