सिराहामा दुई वर्षीया बालक आँगनबाटै बेपत्ता, अपहरणको आशंका

टुडेपाटी–

जनकपुरधाम, माघ २१ गते ।

सिराहाबाट दुई वर्षीय बालक बेपत्ता भएका छन् । सिराहा नगरपालिका-१ बस्ने प्रदीप यादवका दुई वर्षीय छोरा इशान्त मंगलबार साँझदेखि बेपत्ता भएका हुन् ।

बालक आफ्नै आँगनमा खेलिरहेको अवस्थामा बेपत्ता भएको परिवारजनले बताएका छन् । बालकको अपहरण भएको परिवारजनको अाशंका छ ।

सिराहाका प्रहरी प्रबक्ता शालिग्राम शर्माले बच्चा हराएको भनेर खबर आए पनि अपहरण पुष्टि नभएको बताए ।

बच्चाको खोजविन तिव्र रुपमा गरिरहेको उनले बताए ।