महोत्तरीमा टिपरको ठक्करबाट मोटरसाइकलमा सवार दुई जनाको ज्यान गयो

टुडेपाटी-

जनकपुरधाम, माघ १२ गते ।

महोत्तरीमा टिपर ठोक्किदा दुई जनाको मृत्यु भएको छ ।

गौशाला–औरही नगरपालिका– ४ कठुवारमा भएको दुर्घटनामा दुई जनाको मृत्यु भएको जिल्ला प्रहरी कार्यालय महोत्तरीले जनाएको छ ।

ना ८ ख ९० नम्बरको ज ६ प १४०९ नम्बरको मोटरसाइकललाई ठक्कर दिँदा मोटरसाइलकमा सवार दुबैजनाको मृत्यु भएको प्रहरीले जनाएको छ ।

मृत्यु हुनेमा स्थानीय महबुल नदाफका १३ वर्षीय छोरा गुड्डु नदाफ र २० वर्षीय प्रमोद राम रहेका छन् । तर प्रमोदको भने ठेगाना खुल्न सकेको छैन् ।

ठक्कर दिने टिपर चालकलाई नियन्त्रणमा लिइ थप अनुसन्धान भइरहेको प्रहरीले जनाएको छ ।