भारी मात्रामा नशालु ट्याब्लेट, इन्जेक्सन र बोतल सहित सिरहाबाट दुई जना युवक पक्राउ

टुडेपाटी–

जनकपुरधाम, माघ ९ गते ।

भारी मात्रामा लागुऔषध सहित प्रहरीले सिरहाबाट दुई जना युवकलाई पक्राउ गरेको छ ।

प्रदेश प्रहरी कार्यालय जनकपुर र ईलाका प्रहरी कार्यालय गोलबजारबाट संयुक्त रुपमा सादा पोषाकमा खटिएको प्रहरी टोलीले चेकजाँचको क्रममा बिक्रि गर्न लाँदै गरेको लागुऔषध सहित प्रहरीले दुई जनालाई पक्राउ गरेको हो ।

पक्राउ पर्नेहरुमा गोलबजार नगरपालिका– २ बस्ने वर्ष २२ का राकेश कुमार साह र जिल्ला सिरहा मिर्चैया नगरपालिका–८ बस्ने वर्ष २७ का अनिल शर्मा रहेको प्रहरीले जनाएको छ ।

स ७ प ५७१२ र स १० प ५५२२ नम्बरको मोटरसाइकलमा गोलबजार बाट लहान तर्फ लाँदै गर्दा प्रहरी टोलीले गोलबजार– ३ स्थित गागन खोलाबाट उनीहरुलाई पक्राउ गरेको जिल्ला प्रहरी कार्यालय सिरहाले जनाएको छ ।

उनीहरुको साथबाट DIELEX – DC ३४ बोत्तल, .Diazepam ईन्जेक्सन ४५ एम्पुल, Noophinईन्जेक्सन ४५ पिस, Phenergan ४५ पिस, Spasmoproxyron४८ पिस,
Nitravet Tablets १४९७ पिस लगायतका लागुऔषध बरामद भएको हो ।

घटना सम्बनधमा थप अनुसन्धान भइरहेको जिल्ला प्रहरी कार्यालय सिरहाले जनाएको छ ।