धनुषामा पारिवारिक रिसिबीले पाँच वर्षीय बालकको हत्या, गाडिएको अवस्थामा शव भेट्यो

टुडेपाटी

जनकपुरधाम, पुस १७ गते ।

धनुषाको विदेह नगरपालिका–२ मा पाँच वर्षीय बालकको घाँटी थिचेर हत्या भएको छ ।

पारिवारिक रिसिबीका कारण जिवन रायका पाँच वर्षीय छोरा अभिनन्दन रायको हत्या भएको प्रहरीले जनाएको छ ।

बिहीवार दिउँसो दुई बजे घर अगाडी खेलिहरेका अभिनन्दन अचानक सम्पर्कबिहीन भएका थिए ।

दुहबी प्रहरी चौकी र जिल्ला प्रहरी कार्यालय धनुषाबाट संयुक्त रुपमा खटिएको प्रहरी टोलीले खोजी गर्दैजाँदा शुक्रवार उनको घरको एक किलोमिटर दक्षिणमा पर्ने ब्रहमदेव रायको भैँसी गोठमा खुट्टाको भाग मात्र देखिने गरी गाडिएको अवस्थामा फेला परेको धनुषाका डिएसपी मकेन्द्र मिश्रले बताए ।

घटनामा संलग्न रहेको आरोपमा प्रहरीले पाँच जनालाई पक्रउ गरि अनुसन्धान गरिरहेको उनको भनाइ छ । उनको शव पोष्टमार्टमकालागि प्रादेशिक अस्पताल जनकपुरमा राखिएको छ ।