महोत्तरीमा पिकप भ्यानको ठक्करबाट ६ वर्षीय बालकको मृत्यु
टुडेपाटी
जनकपुरधाम, पुस १५ गते ।
महोत्तरीको मटिहानीमा पिकप भ्यानको ठक्करबाट एक बालकको ज्यान गएको छ । मृत्यु हनेमा मटिहानी नगरपालिका ७ बस्ने स्थानीय मनोज ठाकुरका ६ वर्षीय छोरा राज ठाकुरको रहेको महोत्तरीका प्रहरी नायव उपरीक्षक प्रकाश विष्टले जानकारी दिए ।
बुधबार बिहान सोहि ठाउँमा ना. १ ज ३६०० नम्बरको पिकप भ्यान ब्याक गर्ने क्रममा ठक्कर दिँदा बालक गम्भीर घाइते भएका थिए । बालकलाई उपचारको लागि जनकपुर ल्याउँदै गर्दा बाटोमै मृत्यु भएको प्रहरीले जनाएको छ ।
Sponsored
बालकको शव पोस्टमार्टमका लागि प्रादेशिक अस्पताल जनकपुरमा राखिएको छ । पिकप भ्यान नियन्त्रणम लिएको छ भने फरार चालकको खोजविन गरिहेको तथा घटना विषयमा थप अनुसन्धान गरिरहेको डीएसपी विष्टले बताए ।
