सप्तरीमा जंगली हात्तीले लखेट्दा लडेर वृद्धको मृत्यु
टुडेपाटी-
सप्तरी, मंसिर २९ गते ।
सप्तरीमा जंगली हात्तीले लखेट्दा लडेर वृद्धको मृत्यु भएको छ ।
सोमवार बिहान सप्तरीको सुरुङ्गा नगरपालिका ३ दौलतपुरका ७० वर्षीय सीताराम साहको हात्ती लखेट्दा लडेर मृत्यु भएको प्रहरीले जनाएको छ ।
आफ्नै घरमा सुतिरहेका साह पिसाब फेर्न उठेका बेला आएको २ वटा जंगली हात्तीले लखेटेपछि भाग्ने क्रममा लडेर घाइते भएका थिए । लहानस्थित सप्तऋषि अस्पतालमा उपचारका क्रममा उनको मृत्यु भएको सप्तरी प्रहरीले जनाएको छ ।