कोरोना कारण बन्द रहेका रौतहटको सबै सामुदायिक विद्यालय खुलेपनि बृन्दावनका अझै खुलेनन्

टुडेपाटी-
रौतहट, मंसिर २२ गते ।

रौतहटका सबै सामुदायिक विद्यालय खुलेपनि बृन्दावनका अझै सञ्चालनमा आउनु सकेको छैन ।
रौतहटको कटहरिया नगरपालिका अन्तर्गतका सामुदायिक विद्यालय आजदेखि सञ्चालनमा आएका छन् । विगत ९ महिनादेखि कोरोना महामारीका कारण सरकारले बन्द गरेको कटहरियाका सामुदायिक विद्यालयहरु पुनः आजदेखि सञ्चालनमा आएका हुन् ।

गएको शुक्रबार नगरपालिकामा बसेको नगर कार्यपालिका बोर्डले यस्तो निर्णय गरेको हो ।

स्वास्थ्य तथा जनसंख्या मन्त्रालयको निर्देशन बमोजिम मास्कको अनिवार्य प्रयोग, सामाजिक दुरीसहित स्वास्थ्य सुरक्षा अपनाएर विद्यालय संचालन गरिने निर्णय भएको नगर शिक्षा संयोजक अनिलकुमार निधिले जानकारी दिए ।

कोभिड १९ को कारण बन्दरहेका जिल्लाको १८ स्थानीय तहका बिद्यालय मध्ये कटहरियासँगै १७ तहको संचालन भैसकेको छ । हालसम्म एक स्थानीय तह बृन्दाबन नगरपालिका अन्तर्गतको सामुदायिक विद्यालयहरु मात्र संचालनमा आउन नसकेको जिल्ला शिक्षा समन्वय ईकायी प्रमुख रामविनय सिंहले बताए ।