सिरहाबाट १० किलो गाँजासहित एक युवक पक्राउ

टुडेपाटी-
जनकपुरधाम, कार्तिक १८ गते ।

सिरहाको धनगढिमाई नगरपालिकाबाट लागुऔषध गाँजा सहित एक युवक पक्राउ परेका छन् ।

पक्राउ पर्नेमा सिरहा धनगढिमाई नगरपालिका १४ बस्ने बर्ष ३७ वर्षीय बुधबहादुर तामाङ रहेको सिरहा प्रहरीले जनाएको छ ।

सोमबार साँझ धनगढीमाई नगरपालिका १४ भालुटार सखुवाचौरी स्थित उत्तरबाट दक्षिण तर्फ आउदै गरेको को.९प.२१९५ नम्बरको मोटरासइकल चेकजाँच गर्दा उनको पछाडि सेतो बोरा भित्र लुकाएर ल्याउँदै गरेको १० किलो गाँजा बरामद भएको हो ।

गाँजासहित तामाङलाई पक्राउ गरी आवश्यक अनुसन्धान गरिरहेको जिल्ला प्रहरी कार्यालय सिरहाले जनाएको छ ।