जनकपुरबाट १६ लाख रुपैयाँ बढीको सुनसहित एकजना पक्राउ

टुडेपाटी-
जनकपुरधाम, कार्तिक २ गते ।

जनकपुरबाट दुईसय ग्राम अवैध सुनसहित एकजना पक्राउ परेका छन् । काठमाडौंबाट अबैध रुपमा चोरी पैठारी गरी भारत लैजादै गर्दा जनकपुरको भ्रमरपुरा चौकबाट बिशेष सुचनाको आधारमा शसस्त्र प्रहरीले गाडिसहित सुन पक्राउ गरेको हो ।

पक्राउ पर्नेमा गाडी चालक महोत्तरीको बलबा नगरपालिका ४ का ३४ वर्षीय रामचन्द्र साह रहेको सशस्त्र प्रहरीले जनाएको छ ।

सुन ओसार्न प्रयोग गरेको बा १० च ३५६८ नम्बरको इको भ्यानमा लुकाइ लैजाँदै गदौ प्रहरीले विशेष सूचनाको आधारमा पक्राउ गरेको हो । बरामद २ सय ग्राम सुनको बजार मुल्य १६ लाख २३ हजार ८ सय रहेको छ । सुन सहित गाडिको अन्दाजी मुल्य करिब ३१ लाख २३ हजार ८ सय रुपैया रहेको शसस्त्र प्रहरीले जनाएको छ ।

दिउँसो पौने २ बजेको समयमा शसस्त्र प्रहरी बल नेपाल, धनुषा ८ नम्बर गणबाट शसस्त्र प्रहरी निरीक्षक शम्भु कटवालको कमाण्डमा खटिएको टोलीले उक्त सुन र गाडि पक्राउ गरेको शसस्त्र प्रहरीले जनाएको छ ।