हेलमेटमा लुकाएर ल्याउँदै गरेको १० लाख रुपैयाँसहित एकजना पक्राउ

टुडेपाटी-
रौतहट,कार्तिक २ गते ।

हेलमेटमा १० लाख रूपैयाँ लुकाएर ल्याउने एकजना प्रहरीको फन्दामा परेका छन् । बाराको सिम्रौनगढ नगरपालिका ७ का २० वर्षीय दिपक पटेल हेलमेटमा लुकाएर ल्याउँदै गरेको १० लाख रुपैयाँसहति पक्राउ परेका हुन् ।

रौतहटको ईशनाथ नगरपालिका ७ स्थित सडकखण्डमा भारतबाट आउने पैदलयात्रु तथा सवारीसाधनमा चेकजाँच गरिरहेको अवस्थामा ना ५३प ६२८४ नम्बरको मोटरसाईकलमा उनी भारतबाट नेपालको जयनगर तर्फ आउँदै गर्दा पक्राउ परेको जिल्ला प्रहरी कार्यालय रौतहटले जनाएको छ ।

चेकजाँचको क्रममा पटेलले लगाएको हेल्मेटमा १० लाख रूपैयाँ बरामद भएको कार्यालयका प्रवक्ता प्रहरी नायब उपरीक्षक भरत श्रेष्ठले जानकारी दिए ।

एक हजार दरको आठ लाख र पाँच सयको दुई लाख गरी जम्मा १० लाख रूपैँया नगद बरामद गरी थप अनुसन्धानका लागि उनलाई रकम सहित भन्सार कार्यालयमा बुझाएको जनाएको छ ।