पर्साबाट हतियारसहित चार जना पक्राउ

टुडेपाटी-
पर्सा, असोज २९ गते ।

पर्साबाट हतियारसहित चार जना पक्राउ परेका छन् । पक्राउ पर्नेहरुमा ठोरी गाउँपालिका–४ का ३४ वर्षीय कुमार लामा, ३५ वर्षीय सुन बहादुर लामा, ३२ वर्षीय बाबुराम लामा र २५ वर्षीय अमन लामा रहेका छन् ।

पर्साको ठोरी गाउँपालिका–४ औराही खोलाको बगरबाट १ नाल भरुवा बन्दुक, ४ राउण्ड गोली, १ सय ग्राम बारुद र एउटा खुकुरीसहित चार जनालाई बिहीबार बिहान पक्राउ गरेको हो ।

उक्त स्थानमा लागूऔषध गाँजा लिएर आउँदै छन् भन्ने बिशेष सूचनाको आधारमा ईलाका प्रहरी कार्यालय ठोरीबाट खटिएको प्रहरीले उनीहरुलाई लुकिछिपि बसेको अवस्थानामा फेला पारेको पर्साकी प्रहरी प्रमुख एसपी गंगा पन्तले बताइन् ।

यस सम्बन्धमा प्रहरीले थप अनुसन्धान गरिरहेको छ ।